P365 365 YLE TEKSTI-TV 23.02.21:15:44 1/10 Nuntii ex Archivio Latini NUNTII LATINI Vanhat Radion latinankieliset uutiset Yle Radio 1:ss¼: yle.fi/nuntii Nuntii ex Archivio Latini 20.2.2015 ■ CAEDES HAFNIAE PERPETRATA ■ DE ARMIS RUSSORUM TESTIMONIA ■ IGNISTITIUM FRAGILE ■ NOVAE CONTRA RUSSIAM SANCTIONES ■ EVASIO FISCALIS GRAECIAM GRAVAT ■ REGISTRUM VIATORUM IN UNIONE EUROPAEA PRAEPARATUR ££££££££££££££££££££££££w££££
P365 365 YLE TEKSTI-TV 23.02.21:16:07 2/10 Nuntii ex Archivio Latini 2015 NUNTII LATINI CAEDES HAFNIAE PERPETRATA Hafniae, in urbe Daniae, septimana vergente vir armatus duos homines sclopeto occidit et quinque vigiles vulneravit. Postea ipse a vigilibus interfectus est. Primum in conventum invasit, in quo de libertate loquendi et scribendi agebatur, et ibi unum hominem occidit. Forsitan imprimis petebat gryllographum Lars Vilks, ibi praesentem, qui salvus evasit. continuatur >>>
P365 365 YLE TEKSTI-TV 23.02.21:16:29 3/10 Nuntii ex Archivio Latini 2015 NUNTII LATINI CAEDES .... Postea idem vir nefarius apud synagogam virum Iudaeum occidit. Inde effugit, sed apud stationem ferriviariam Norrebro a vigilibus, quos sclopeto petebat, necatus est. Scelestus ille fuit iuvenis viginti duos annos natus, nomine Omar El-Hussein, natione Danus sed originis Arabicae, nuperrime carcere liberatus. Yle >>>
P365 365 YLE TEKSTI-TV 23.02.21:16:52 4/10 Nuntii ex Archivio Latini 2015 NUNTII LATINI DE ARMIS RUSSORUM TESTIMONIA Pactum de ignistitio Minisci factum ostendit Russiam in rebus gestis Ucrainae orientalis interfuisse. In illo pacto constitutum est, ut arma gravia ex propinquitate aciei duabus septimanis removerentur. Inest in pacto etiam index accuratissimus illorum armorum. In indice nominatur systema rochetis mittendis Tornado-S. continuatur >>>
P365 365 YLE TEKSTI-TV 23.02.21:17:15 5/10 Nuntii ex Archivio Latini 2015 NUNTII LATINI DE ARMIS .... Nulla terra nisi Russia illud systema habet. Si rebelles re vera illud habuerunt, venire non potuit nisi ex Russia. Systema Tornado-S anno bis millesimo duodecimo (2012) in usum captum est neque Russi id aliis nationibus vendiderunt. Russia autem iterum iterumque negavit se arma et milites in Ucrainam orientalem misisse. Yle >>>
P365 365 YLE TEKSTI-TV 23.02.21:17:38 6/10 Nuntii ex Archivio Latini 2015 NUNTII LATINI IGNISTITIUM FRAGILE Neglecto ignistitio inter Ucrainam et rebelles facto, in urbe Debaltseve acerrime pugnatum est. Copiae regiminis ibi circumdatae paulatim se receperunt. Rebelles affirmant se totam urbem in suam potestatem redegisse. In aliis autem partibus Ucrainae orientalis ignistitium servatum esse videtur. Yle >>>
P365 365 YLE TEKSTI-TV 23.02.21:18:01 7/10 Nuntii ex Archivio Latini 2015 NUNTII LATINI NOVAE CONTRA RUSSIAM SANCTIONES Etsi spes pacis in Ucraina propter ignistitium aucta est, Unio Europaea decrevit, ut sanctiones contra Russiam et rebelles Ucrainae orientalis amplificaret. Causa est ictus funestus rochetis contra urbem Mariupolim factus, quo complures deni homines exeunte mense Ianuario interierunt. Russia novas sanctiones ridiculas et irrationales esse iudicat. Yle >>>
P365 365 YLE TEKSTI-TV 23.02.21:14:35 8/10 Nuntii ex Archivio Latini 2015 NUNTII LATINI EVASIO FISCALIS GRAECIAM GRAVAT Crisis oeconomica Graeciae magnam causam in evasione fiscali habet. Ex investigatione nuper facta Graecia singulis annis circiter tricena miliarda euronum perdit, quia vectigalia non solvuntur. Evasio fiscalis effecit, ut factio Syriza in comitiis parlamentariis magnam victoriam reportaret, cum Alexis Tsipras promisisset se evasores tandem coerciturum esse. Yle >>>
P365 365 YLE TEKSTI-TV 23.02.21:14:58 9/10 Nuntii ex Archivio Latini 2015 NUNTII LATINI REGISTRUM VIATORUM IN UE PRAEPARATUR Moderatores Unionis Europaeae de terrorismo oppugnando Bruxellis egerunt. Constituerunt, ut commutationem informationis tam inter membra Unionis quam inter Unionem et magistratus nationum exterarum efficaciorem redderent. Ad legislatores appellaverunt, ut registrum viatorum diu adumbratum probarent, quo facto de viatoribus informatio ab omnibus societatibus aeriis facile acciperetur. Yle >>>
P365 365 YLE TEKSTI-TV 23.02.21:15:21 10/10 Nuntii ex Archivio Latini 2015 NUNTII LATINI SCELERA NON HABENT CONSILIUM. NEC TRIBUTIS CONTEMNUNTUR NEC PUBLICANUS EOS ATTERIT. PRAETORES CUM PISTORIBUS COLLUDUNT ET POPULUS MINUTUS LABORAT. * * * * Nuntios Latinos 20.2.2015 redegit Tuomo Pekkanen. Yle